Венко Шапкар

Генерален директор на Амак СП

Венко Шапкар е основач на весникот Амак Прес Охридски Новини и главен финансиер на весникот кој веќе цели 5 години го финансира Амак Прес Охридски Новини. Шапкар покрај весникот ја основа и продукциската куќа ОХ-1 која денес технички го изработува весникот. Низ децениите успешна работа во охридското стопанство покрај формирањето и финансирањето на своите, Венко Шапкар несебично финансиски ги помагал повеќето медиуми во Охрид.

Никола Манески

Прв Главен и одговорен уредник на Амак Прес

Никола Манески заедно со бизнисменот Венко Шапкар го покрена весникот Амак Прес, најпрво како гласило за вработените во Амак Сп а потоа со несебична работа, успеа да формира екипа која весникот го претвори во градски весник. Манески е доаен на охридското новинарство, а денес работи како советник за односи со јавноста во кабинетот на охридскиот градоначалник.

Ангела Белевска

Главен и одговорен уредник

Ангела Белевска е главен и одговорен уредник на АМАК ПРЕС- Охридски Новини од месец јуни 2009 година. Со нејзиното доаѓање на раководната функција овој печатен медиум кој е единствен и меѓу другото бесплатен весник во Охрид доби нов лик. Двонеделното гласило кое пласираше содржини од дневно- информативен карактер прерасна во списание кое разработува теми интересни и актуелни за читателите денес, утре, по еден месец, година две..., оттука произлегува и мотото на овој сега веќе месечник, Сега...Секаде...Секогаш.... Во АМАК ПРЕС – Охридски Новини ќе најдете текстови во кои се разработуваат теми единствени и специфични за Охрид, а како такви секогаш интересни за охриѓани и бројните туристи. Белевска, е дел од компанијата АМАК СП од 1996 година. На почетокот во овој весник работела во информативната редакција а две години подоцна била уредник на истиот. Својот професионален пат го започнала во 2003 година, кога по дипломирањето на Правниот Факултет во Скопје по препорака на еминентни професори по новинарство се вработила во Радио Охрид . Пред почетокот на работниот век за нејзе се битни не само студентските денови минати во Македонија туку и оние во Русија. Имено таа како најдобар студент на Правниот Факултет “Јустинијан Први“ е пратена да се до образува на најстариот универзитет во Европа, Ломоносов во Москва каде се надградува и усовршува како новинар . По враќањето од Русија и дипломирањето, како што погоре спомнавме работела во локалното радио а еден период била дел од новинарскиот тим во телевизија и била ангажирана во утринската програма и во дневно информативната редакција на овој медиум во кој покрај другото еднаш неделно се прикажувала нејзината авторска емисија “Одбројување“. До нејзиното поставување на раководната функција во Охридските Новини, Белевска била и дописник од Охрид за дневниот весник “Дневник“. Таа покрај дипломата по новинарство ја стекнала и дипломата комуниколог добиена по завршувањето на после дипломските студии по Политичко Правни односи и Комуникации на Правниот Факултет “Јустинијан Први во Скопје.

Алан Каоу

Веб уредник на Амак Прес

Алан Каоу е раководител на АОП секторот во Амак СП и е автор и Веб Уредник на сајтот на Амак Прес. Алан Каоу соработува со весникот од самите почетоци давајќи техничка поддршка, а лансирањето на Амак Прес Охридски Новини во сајбер просторот и неговата презентација пред целиот свет е направено токму по идеја и иницијатива на Алан Каоу.

Бранислав Силјаноски

Технички уредник на весникот Амак Прес

Бранислав Силјаноски е технички уредник на весникот. Во изминатата година, на сопствена иницијатива Бранислав целосно го редизајнира и го освежи весникот. Тој ги изработува и најголем дел од рекламите кои се во него, а наскоро најавува и нови промени на дизајнот на Амак Прес Охридски Новини.

Славица Стевоска

Маркетинг агент

Славица Стевоска со својата работа го покрена маркетингот во весникот и започна да ги остварува првите приходи од реклами.